வெட்கத்தால் செய்யப்பட்ட அழகு!
தமிழ் எழுதப் படிக்க கற்றுக்கொள்
என்றேன்
சிணுங்கினாய்
தேவதைகள் தங்களை
வெளிப்படுத்திக் கொள்ள
மொழிகள்
தேவையில்லை என்று தோன்றியது எனக்கு.!
********
ரயிலடியில்
மழைபெய்தாலே போதும்..
உன் ஞாபகத்தில்
என் நினைவுகள்
‘சொத சொத’வென நனைந்துவிடுகின்றன.
********
உன் வெட்கத்தையெல்லாம்
கூட்டிச் சேர்த்து செய்யப்பட்டதுதான்
உன் அழகு!
நீ வெட்கப்படுவதற்காகவே
நான் அடிக்கடி
ஏதாவது செய்யவேண்டியதாயிருக்கிறது.
********
என் காதல்
திசைமறந்த ஒரு வண்டைப்போல
உன்னையே சுற்றிச் சுற்றி வருகிறது.
.